ਨਵਾਂਸ਼ਹਿਰ, 13 ਫਰਵਰੀ, (ਹਰਿੰਦਰ ਸਿੰਘ)ਕਰਿਆਮ ਰੋਡ ‘ਤੇ ਸਥਿਤ ਕੇਸੀ ਹੋਟਲ ਮੈਨੇਜਮੈਂਟ ਕਾਲਜ ਦੇ ਵਿਦਿਆਰਥੀਆਂ ਨੂੰ ਕਾਲਜ ਪ੍ਰਿੰਸੀਪਲ ਡਾ. ਬਲਜੀਤ ਕੌਰ ਦੀ ਦੇਖ ਰੇਖ ਵਿਚ ਵੈਲੇਨਟਾਈਨ ਵੀਕ ਦੇ ਤਹਿਤ ਬੇਕਰੀ ਵਿੱਚ ਰੈਡ ਕਲਰ ਵੇਲਵੇਟ ਕੇਕ ਬਣਾਉਣਾ ਸਿਖਾਇਆ ਗਿਆ। ਸਹਾਇਕ ਪ੍ਰੋਫੈਸਰ ਮਨਪ੍ਰੀਤ ਕੌਰ ਨੇ ਵਿਦਿਆਰਥੀਆਂ ਨੂੰ ਦੱਸਿਆ ਕਿ ਵੈਲੇਨਟਾਈਨ ਡੇ, ਇੱਕ ਪੱਛਮੀ ਦੇਸ਼ਾੰ ਦਾ ਵੇਲੇਂਟਾਇਨ ਤਿਓਹਾਰ ਹੈ। ਇਹ ਦਿਨ ਨਾ ਸਿਰਫ਼ ਭਾਰਤ ਵਿੱਚ ਸਗੋਂ ਵਿਦੇਸ਼ਾਂ ਵਿੱਚ ਵੀ ਨੌਜਵਾਨਾਂ ਵਲੋੰ ਭਾਵਨਾਵਾਂ ਨਾਲ ਮਨਾਇਆ ਜਾਂਦਾ ਹੈ। ਇਸ ਦਿਨ, ਨਵ-ਵਿਆਹੇ ਜੋੜੇ, ਪਤੀ-ਪਤਨੀ, ਪ੍ਰੇਮੀ, ਥੀਆਂ ਆਪਣੇ ਪਿਤਾਵਾਂ ਨੂੰ, ਪੁਤ ਆਪਣੀਆਂ ਮਾਵਾਂ ਨੂੰ ਅਤੇ ਕੁਝ ਭੈਣਾਂ ਆਪਣੇ ਭਰਾਵਾਂ ਨੂੰ ਪਿਆਰ ਅਤੇ ਭਾਵਨਾਵਾਂ ਨਾਲ ਭਰੇ ਤੋਹਫ਼ੇ ਦਿੰਦੇ ਹਨ। ਇਸ ਦਿਨ ਰੈਡ ਕਲਰ ਵੇਲਵੇਟ ਕੇਕ ਦਾ ਵੀ ਵਿਸ਼ੇਸ਼ ਮਹੱਤਵ ਹੈ। ਇਹ ਇੱਕ ਅਮਰੀਕੀ ਡੇਜੇਟ ਹੈ। ਇਹ ਕੇਕ ਸਿਰਫ਼ ਇੱਕ ਸੁਆਦ ਨਹੀਂ, ਸਗੋਂ ਇੱਕ ਭਾਵਨਾ ਹੈ। ਲਾਲ ਪਿਆਰ ਅਤੇ ਲਗਜ਼ਰੀ ਲਾਇਫ ਦਾ ਪ੍ਰਤੀਕ ਹੈ, ਇਸਨੂੰ ਰੋਮਾਂਟਿਕ ਮੌਕਿਆਂ ਅਤੇ ਵੱਡੇ ਖਾਸ ਮੌਕਿਆ ਲਈ ਇੱਕ ਪਸੰਦੀਦਾ ਵਿਕਲਪ ਬਣਾਉਂਦਾ ਹੈ। ਭਾਵੇਂ ਤੁਸੀਂ ਜਨਮਦਿਨ ਮਨਾ ਰਹੇ ਹੋ ਜਾਂ ਆਪਣੇ ਆਪ ਨੂੰ ਕਿਸੇ ਖਾਸ ਚੀਜ਼ ਨਾਲ ਖੁਸ਼ ਕਰਨਾ ਚਾਹੁੰਦੇ ਹੋ, ਇਹ ਕੇਕ ਦਾ ਇੱਕ ਟੁਕੜਾ ਤੁਹਾਨੂੰ ਬਹੁਤ ਖੁਸ਼ੀ ਦੇਵੇਗਾ। ਨੋਜਵਾਨਾਂ ਨੂੰ ਹੀ ਨਹੀਂ ਹਰ ਵਰਗ ਨੂੰ ਹਮੇਸ਼ਾ ਕੇਕ ਪਸੰਦ ਹੁੰਦਾ ਹੈ, ਇਸ ਲਈ ਉਨ੍ਹਾਂ ਨੂੰ ਇਸਨੂੰ ਕਿਵੇਂ ਬਣਾਉਣਾ ਹੈ ਇਹ ਸਿਖਾਉਣਾ ਮਹੱਤਵਪੂਰਨ ਹੈ। ਪ੍ਰਿੰਸੀਪਲ ਡਾ.ਬਲਜੀਤ ਕੌਰ ਨੇ ਦੱਸਿਆ ਕਿ ਕਾਲਜ ਦੇ ਵਿਦਿਆਰਥੀਆਂ ਨੂੰ ਹਰ ਮੌਕੇ ਲਈ ਕੁਝ ਨਾ ਕੁਝ ਬਣਾਉਣਾ ਸਿਖਾਇਆ ਜਾਂਦਾ ਹੈ। ਵੈਲੇਨਟਾਈਨ ਡੇਅ ਲਈ ਇਹ ਕੇਕ ਬਣਾਉਣਾ ਸਿੱਖ ਕੇ, ਉਹ ਨਾ ਸਿਰਫ਼ ਦੇਸ਼ ਵਿੱਚ ਸਗੋਂ ਵਿਦੇਸ਼ਾਂ ਵਿੱਚ ਵੀ ਨੌਕਰੀਆਂ ਕਰ ਅਤੇ ਰੋਜਗਾਰ ਕਮਾ ਸਕਦੇ ਹਨ। ਇਸ ਨਾਲ ਉਨ੍ਹਾਂ ਨੂੰ ਭਵਿੱਖ ਵਿੱਚ ਵੀ ਫਾਇਦਾ ਹੋਵੇਗਾ।ਮੌਕੇ ਤੇ ਸਹਾਇਕ ਪ੍ਰੋਫੈਸਰ ਭਵਿਆ ਅਤੇ ਸਾਹਿਲ, ਵਿਪਨ ਕੁਮਾਰ ਮੌਜੂਦ ਰਹੇ।
